Loan EMI Calculator

3 steps mein apni EMI · poora interest aur total payment ke saath

Home loan, car loan ya personal loan – EMI ka hisaab same hai. Loan amount, rate aur tenure daalein; EMI turant neeche dikhti hai. Poora calculation aapke browser mein hota hai, koi data kahin nahi jaata.

Step 1: Loan amount

₹
Jitna loan lene wale hain (ya abhi chal raha hai). Upar ke buttons se jaldi chunein.

Step 2: Interest rate

%
Bank/NBFC jo rate de raha hai – offer letter ya loan app mein likha hota hai. Reducing balance rate daalein (flat rate nahi).

Step 3: Tenure

saal
Kitne saal mein loan chukana hai. Lamba tenure = chhoti EMI par zyada total interest.

Aapka jawab

Is illustration mein, aapke numbers par
Aapki EMI ₹43,391 /month
20 saal × 12 = 240 EMIs. Har EMI mein principal + interest dono hota hai.
Har ₹1 loan ka aap dete hain ₹2.08 (interest share 52%)
Loan amount (principal)
₹50.00 L
Poora interest
₹54.14 L
Total payment
₹1.04 Cr
Principal 48%Interest 52%

Aasaan shabdon mein: kya dhyan rakhein

  • Rate par 0.5% ka farak bhi lakhon mein padta hai: lambe tenure mein chhota rate difference total interest ko kaafi badal deta hai. Banks se rate compare/negotiate karein.
  • Chhota tenure = badi EMI par bahut kam total interest. Lamba tenure = aaram ki EMI par zyada interest. Apni monthly income ke hisaab se balance chunein.
  • Floating rate loan mein rate badal sakta hai – bank aam taur par EMI same rakh kar tenure badha deta hai. Rate badhne par apna schedule check karein.
  • Prepayment se principal seedha ghatt-ta hai aur interest bachta hai – khaas kar shuruaati saalon mein. Floating-rate home loan par prepayment charge nahi lagta (RBI niyam, individual borrowers). Dekhein: Prepay vs SIP Calculator.
Is calculation ko WhatsApp par share karein Apne loan ke baare mein baat karein (WhatsApp)

Aksar poochhe jaane wale sawaal

EMI kaise banti hai?

Reducing balance method se: har mahine interest bache hue balance par lagta hai, baaki EMI principal ghataati hai. Isliye shuru mein interest ka hissa zyada hota hai.

Flat rate aur reducing rate mein farak?

Flat rate poori tenure mein original loan par interest ginta hai (asli cost lagbhag double dikhti hai). Reducing rate ghatt-te balance par ginta hai – ye standard aur sahi tareeqa hai. Hamesha reducing rate compare karein.

Rate badalne par EMI badhegi?

Bank aam taur par EMI same rakh kar tenure badha deta hai; kuch cases mein EMI badhti hai. Apne loan ke terms check karein.

Kitni EMI safe hai?

Thumb rule: saari EMIs milkar monthly income ke 40-50% se zyada na hon – emergency fund alag rakhein.

EMI miss hui toh?

Late fee + penal interest lagta hai aur credit score par asar padta hai. Auto-debit rakhna safe rehta hai.

Processing fee aur charges?

Ye calculation sirf principal + interest ka hai. Processing fee, insurance aur anya charges alag hote hain – loan document mein dekhein.

Please read: Ye calculator sirf education ke liye hai. Saare figures aapke inputs par based illustrative estimates hain – actual EMI bank/NBFC ke final terms, rate type aur charges par nirbhar karti hai. Ye kisi loan ya investment product ki recommendation ya return ki guarantee nahi hai. Mutual fund investments are subject to market risks; read all scheme related documents carefully. Past performance future results ki guarantee nahi hai.

Parveen Gaur – AMFI-registered Mutual Fund Distributor, ARN-101447 · Ambala, Haryana

Gaur Financial Services · Smart Investments, Stronger Tomorrow
Scroll to Top