Loan EMI Calculator
Home loan, car loan ya personal loan – EMI ka hisaab same hai. Loan amount, rate aur tenure daalein; EMI turant neeche dikhti hai. Poora calculation aapke browser mein hota hai, koi data kahin nahi jaata.
Step 1: Loan amount
Step 2: Interest rate
Step 3: Tenure
Aapka jawab
Saal dar saal: principal vs interest (chart)
Shuruaati saalon mein EMI ka bada hissa interest mein jaata hai; jaise-jaise balance ghatt-ta hai, principal ka hissa badhta hai. Isi liye shuru mein prepayment ka fayda sabse zyada hota hai.
Year-by-year table
| Year | Principal | Interest | Balance |
|---|
Figures rounded. Har saal ke end ka balance dikhaya gaya hai.
Rate badla toh kya? (sensitivity)
Same loan, same tenure – sirf rate badla. 1% ka farak EMI aur total interest dono par saaf dikhta hai; isi liye rate negotiate karna worth hai.
Aapke numbers se formula
Aasaan shabdon mein: kya dhyan rakhein
- Rate par 0.5% ka farak bhi lakhon mein padta hai: lambe tenure mein chhota rate difference total interest ko kaafi badal deta hai. Banks se rate compare/negotiate karein.
- Chhota tenure = badi EMI par bahut kam total interest. Lamba tenure = aaram ki EMI par zyada interest. Apni monthly income ke hisaab se balance chunein.
- Floating rate loan mein rate badal sakta hai – bank aam taur par EMI same rakh kar tenure badha deta hai. Rate badhne par apna schedule check karein.
- Prepayment se principal seedha ghatt-ta hai aur interest bachta hai – khaas kar shuruaati saalon mein. Floating-rate home loan par prepayment charge nahi lagta (RBI niyam, individual borrowers). Dekhein: Prepay vs SIP Calculator.
Aksar poochhe jaane wale sawaal
EMI kaise banti hai?
Reducing balance method se: har mahine interest bache hue balance par lagta hai, baaki EMI principal ghataati hai. Isliye shuru mein interest ka hissa zyada hota hai.
Flat rate aur reducing rate mein farak?
Flat rate poori tenure mein original loan par interest ginta hai (asli cost lagbhag double dikhti hai). Reducing rate ghatt-te balance par ginta hai – ye standard aur sahi tareeqa hai. Hamesha reducing rate compare karein.
Rate badalne par EMI badhegi?
Bank aam taur par EMI same rakh kar tenure badha deta hai; kuch cases mein EMI badhti hai. Apne loan ke terms check karein.
Kitni EMI safe hai?
Thumb rule: saari EMIs milkar monthly income ke 40-50% se zyada na hon – emergency fund alag rakhein.
EMI miss hui toh?
Late fee + penal interest lagta hai aur credit score par asar padta hai. Auto-debit rakhna safe rehta hai.
Processing fee aur charges?
Ye calculation sirf principal + interest ka hai. Processing fee, insurance aur anya charges alag hote hain – loan document mein dekhein.
Parveen Gaur – AMFI-registered Mutual Fund Distributor, ARN-101447 · Ambala, Haryana
